Kaliforniya fanlar akademiyasining dengiz biologiyasi bo’yicha mutaxassislar jamoasi Braziliyadan 940 km shimoliy-sharqda joylashgan San-Paulu oroli artofidagi korall riflaridan yangi baliq turini kashf etishdi.
Yangi topilgan baliq korall riflarida yashovchi Serranidae oilasiga mansub bo’lib, unga Tosanoides aphrodite deb nom berildi. Baliqning o’rtacha uzunligi 5-8 sm atrofida. Erkak turlarida sariq va pushti rangli chiziqlar, urg’ochi turlari esa to’q qizil va to’q sariq rangga ega.
Tosanoides aphrodite riflarning unchalik yirik bo’lmagan nimqorong’u qismlarida yashaydi. Uni dengizning 100-260 m chuqurlikdagi qismida uchratish mumkin.
“Bu shu vaqtgacha men ko’rgan eng chiroyli baliq” – deydi kaliforniya fanlar akademiyasining baliqlar bo’limiga mas’ul bo’lgan doktor Luiz Rocha. Tadqiqot natijalari xalqaro Zookeys ilmiy jurnalida chop etildi.
Muallif haqida
Izoh yozish
Faqat ro'yxatdan o'tgan foydalanuvchilar fikr qoldirishlari mumkin.
